Sangko sa buwan ang kalipay ni celebrity mom Cai Cortez human siya migradwar sa University of Makati sa kurso nga political science.

Ang 38-anyos nga aktres misaulog sa iyang kalampusan dinha sa iyahang Instagram page niadtong Miuyerkules, Agusto 5, diin siya mipakita sa pipila ka mga hulagway gikan sa iyang graduation ceremony didto sa Philippine International Convention Center.

“[Twenty] years in the making,” matud pa niya dinha sa iyang caption. (Gihikay sulod sa 20 katuig.)

Iyang gipad-an og mensahe iyang mga ginikanan nga ang beteranong aktor nga si Rez ug Candy:

She addressed her parents, veteran actor Rez Cortez and Candy, “Sana proud kayo kahit it took this long to give you a diploma.”

(Hinaut mapasigarbuhon kamo bisan pa man ingon ini kadugay ko sa paghatag kaninyo og diploma.)

READ: Macoy Dubs gi-spoog sa ‘Dogshow Divas?’

Mapasalamaton

Mipadangat sab si Cai sa iyang pasalamat ngadto sa iyang unibersidad tungod sa paghatag niini og kahigayonan aron ang mga mamumuo nga sama niya makahuman sa ilang pagtungha.

“Officially a Bachelor of Science Political Science Major in Local Government Administration graduate,” siya nagkanayon. (Opisyal na akong gradwado sa Bachelor of Science Major in Local Government Administration.)

Apil sa mitunol sa ilang pahalipay sa kalampusan ni Kai mao ang iyang isigka-celebrity nga sila si Dingdong Dantes, Eugene Domingo, Maxene Magalona, ug Sanya Lopez, nga mi-congratulate sa aktres dinha sa comments section. Si Cai, nga naa na sa showbiz niadto pang 2009, mi-staring na sa pipila ka sa salida sa telebisyon ug pelikula lakip na ang “English Only, Please,” “Comedy Island Philippines,” “Song of the Fireflies,” ug “Ika-6 na Utos.”

Usa sab siya sa cast sa Kapuso TV series nga “First Yaya” kauban si Lopez ug ang beteranong aktor nga si Gabby Concepcion.

Gawas sa pagka-aktres, inahan sab si Cai sa duha ka anak, nga gipadako niya uban sa binuwagan nga langyaw nga bana nga si Wissem Rkhami.