Nag-level up na ba gyud ang ilang panaghigalaay?

Mao kani ang pangutana sa mga netizens human makita sa usa ka viral video nga gakuyog ang duha sa usa ka restaurant sa Japan.

Sa maong video nga kuha sa Dontonbori sa Osaka, Japan, makita si BINI Aiah nga busy sa iyang pagkaon. Makita usab sa maong video nga iyang gidunol ang chopsticks sa Kapamilya actor, nga si Kyle Echarri, aron ilabay kini.

Nag post usab ang usa ka netizen ug hulagway kauban sila si Aiah ug Kyle.

BASAHA PUD NI: Cebuano artists Aiah of BINI, Gudfella mark historic debut at Coachella 2026

Tungod sa mga nanglugwa sa social media, daghan karon ang nakapangutana kon friends ra ba gyud ang duha.

Dili kini ang unang higayon nga nasigpatan nga ga-kuyog sila si Aiah ug Kyle. Sa sayo pa, gibalita sa Bandera nga nagkuyog ang duha sa usa ka beach trip sa Cebu.

BASAHA PUD NI: ‘Garbo sa Lapu-Lapu’: Rep. Ahong Chan praises BINI Aiah after House visit

Apan matud pa ni Aiah, “Kyle and I are friends and kapwa Cebuanos so no malice po.”

Bisan pa man niini, daghan ang nagduda nga mura og nag level up na ang panaghigalaay sa duha human sila makita nga gakuyog na usab sa Japan karong bag-o lang.

Tua karon sa Japan si Aiah kahabin sa performance sa BINI sa music festival nga Summer Zonic 2026.

Matud pa sa ubang netizens nga murag og ni-apas sa Japan si Kyle aron ipakita ang iyang supporta kang Aiah.

Niadtong buwan sa Abril, didto usab si Kyle sa California aron sa pagsaksi sa Coachella performance ni Aiah ug sa iyang mga kauban sa BINI.

Mao na nga daghan karon ang nagtuo nga mura og naa na gyoy something aning duha.

Sa pagsuwat ning maong balita, wala pay giluwatan nga pamahayag sila si Aiah ug Kyle nga tua pa karon sa Japan.